5屆世盃冠軍巴西，周二(19日)公布今夏決賽周26人大軍名單，34歲老將尼馬如願入選，將會第4度出戰世盃決賽周，不過尼馬嘅入圍，就犧牲咗車路士前鋒祖奧柏度，引起球迷質疑。

巴西領隊安察洛堤嘅陣容星光熠熠，雲尼斯奧斯祖利亞、卡斯米路、拉芬夏比洛尼、馬菲奧斯根夏、加比爾馬加希斯、般奴古馬雷斯等核心在陣，近期養傷嘅門將艾利臣比加都上榜。

球迷焦點落喺尼馬身上，呢位老將自2023年9月後從未代表巴西上陣，安察洛堤表示：「我哋用咗成年時間去分析尼馬，佢近期踢出穩定性，而且體能狀態處於一個好嘅水平。」

踢過2013、2018同2022世盃嘅尼馬，係巴西國家隊史上入波最多球員(19球)，但佢嘅入選，就令今季英超入15球嘅車路士前鋒祖奧柏度落選，安察洛堤話：「我為落選球員難過，好似祖奧柏度，但佢未來仲有好多機會。」

最強博彩盤路過關神器《串績王》：http://win.on.cc/football/